O coordinador de campaña do Partido Popular de Galicia, Alfonso Rueda confirmou hoxe que que as papeletas da formación da gaivota estarán presentes nos concellos de Galicia, tal é como era o obxectivo.Rueda Valenzuela destacou este feito fronte as dificultades que segundo él teñen as outras formacións.
Renovación dun 55 por cento onde se está na oposición
O candidato tipo do PPdeG é varón, está preto dos 50 anos de idade, é profesional liberal ou por conta propia, e é licenciado ou diplomado. Un 16% de mulleres encabezan candidaturas populares. De 2011 a 2015 pasaron de 37 a 45.
Un de cada catro candidatos populares é novo. A cifra elévase ao 55 por cento nos concellos onde non goberna o Partido Popular. Cambian de candidato en tres das catro cidades onde non gobernan, Vigo, Ourense e Pontevedra.
“Non hai fórmulas máxicas” para a campaña electoral
Alfonso Rueda destacou o caso do candidato de Lugo, Jaime Castiñeira, que repite despois de ganar as eleccións de 2011 e “e ser o candidato que obtivo a porcentaxe de voto máis elevada de tódolos candidatos nas sete cidades galegas” e que pese a esa circunstancia non se converteu en alcalde.
O coordinador de campaña e secretario xeral do PPdeG anunciou que o modelo de campaña será debatido no vindeiro comité de dirección dos populares ainda que avanzou que “non hai fórmula máxicas” e os populares basearán a súa actividade en explicar o que fixeron estes catro anos e o que pretenden facer nos seguintes.
