A directora Xeral de Gandaría, Agricultura e Industrias Agroalimentarias, Belén do Campo visitou hoxe os concellos de Mazaricos e Malpica onde repartiu pértegas para loitar contra á Vespa velutina.
No concello de Mazaricos, entregoulle estes utensilios aos alcaldes de Mazaricos, Juan Blanco, Carnota, Ramón Noceda, e Fisterra, José Marcote. No concello de Malpica citouse cos rexedores de Malpica, Eduardo Parga, e Laxe, José Manuel Mouzo.
Segundo explicaron desde o concello de Mazaricos nunha nota de prensa «o aparello consiste nun brazo extensor que chega aos 26 metros e que leva na punta unha especie de lanza que se crava no avespeiro e logo procede a bombearse un insecticida que sae da superficie perforada da lanza cara o interior da vivenda. Unha vez que as avespas morren, procede a cambiarse a lanza por unha paleta para raspar o niño da súa ubicación».
