Josefa Amarelle Nieto únese ao clube das persoas centenarias de Santa Comba. «Pepa da Braña»,veciña de Salgueiroas, parroquia de Ser, cumpría anos este martes 26 de xaneiro.
Foi visitada polo alcalde de Santa Comba, José Antonio Ucha Velo, que lle entregou un ramo de flores e unha tarta. » Ten unha saúde moi boa, pese á súa idade. Salvo que a súa movilidade non é moi boa xa, polo resto vai moi ben. E ten moi boa memoria» comentaba unha neta de Josefa, que demostraba que era certo, porque mesmo se lembraba de terlle mercado algún becerro ó pai do actual rexedor xalleiro.
Xa ten 100 anos, pero será o domingo cando o celebre por todo o alto na compaña dos seus familiares. Parabens Pepa!
