O Partido Popular reivindicou a Lei do Litoral cun acto celebrado este sábado no peirao de Malpica e que contou coa presenza da conselleira de Medio Ambiente, Ánxeles Vázquez, e do presidente provincial do PP, Diego Calvo.
Tamén estiveron presentes deputados como Ethel Vázquez, Gonzalo Trenor o Rubén Lorenzo, alcaldes de distintos municipios da a provincia e portavoces do PP na Costa da Morte.
“Unha norma plenamente constitucional”
Nese acto, simultáneo a outros celebrados en Cambados e Viveiro procedeuse á lectura dun manifesto sobre a Lei do Litoral que fai referencia a sentenza recente do Tribunal Constitucional.
“A sentenza do Alto Tribunal avala que a norma galega é plenamente constitucional, fronte a todos os que a definiron como unha auténtica declaración de independencia. Deixa claro que non é necesario reformar o noso Estatuto e pon de manifesto a pouca altura de miras da oposición galega, BNG e PSOE, que deixaron pasar a oportunidade de apoiar unha norma vital para Galicia e para o seu desenvolvemento, só por buscar rédito político”.
