A portavoz do Partido Popular de Muxía, Sandra Vilela, afirmou no programa “Na Encrucillada” de Radio Xallas que “a causa da intoxicación é que non había cloro na depuradora e no propio circuito. Non é unha cuestión accidental. Non había cloro porque non se foi a poñer”.
Vilela pediu a dimisión do alcalde Iago Toba ao que acusou de mentir ós veciños. Dimitir por “incapacidade se non sabía que non estaban facendo as revisións” ou dimitir se por “irresponsable e neglixente” se o sabía” e ocultou a información.
Mentir aos veciños de Muxía
“Estamos falando de saúde pública e de 200 muxiáns afectados e o que pasou é que non se estaba facendo o traballo. O responsable é o alcalde”, manifestou Vilela que sinalou a Iago Toba:“Este señor é capaz de mentir a tódolos veciños de Muxía para salvar os seus pratos”.