Unha saída de vía deixa unha persoa ferida na AC-445, ao seu paso polo concello de Fisterra
Os bombeiros do Parque Comarcal de Cee foron alertados na tarde de onte, domingo 7 de abril, dunha saída de vía producida na estrada AC-445, ao seu paso polo concello de Fisterra.
A incidencia ocorreu á saída da rotonda que da acceso á parroquia de Sardiñeiro. Unha vez que os bombeiros chegaron ao lugar, o condutor do vehículo, único ocupante do mesmo, atopábase desorientado e precisou asistencia do 061 antes de ser trasladado ao Hospital Virxe da Xunqueira de Cee.
O operativo estivo integrado pola Garda Civil de Tráfico da Coruña, o 061 de Cee e voluntarios de Protección Civil de Fisterra.
Información Consorcio Provincial