– Xosé Manuel Lema-
Aparte de ser un profesional de primeiro nivel (Non o digo eu. É algo acreditado pola súa propia traxectoria”, Carlos Bardullas é un fillo agradecido da terra:”As raíces son as que levas contigo. Estou orgulloso de ser da Ponte do Porto e da Costa da Morte.Non se pode esquecer onde é un. Incluso me dín que son un presumido da Costa da Morte”.
Entrevista a Carlos Bardullas- Desde minuto 59
E precisamente na Ponte do Porto lembran os seus inicios humildes e esforzados.”Quería facer decoración e encontreime con este mundo por casualidade. Pero sempre me gustou isto” conta o noso amigo.Hoxe é unha referencia da perruquería de autor e no estilismo. No seu salón de saúde corporal e beleza, ubicado na Coruña (Bardullas & Vidal), non é fácil ter cita:”Temos o ano totalmente cuberto. Temos clientes de toda Galicia e de España pero tamén de fóra” comenta.
Sistema Ambidextra
Ademais conseguiu que o “ficharan” para ser embaixador de marcas comerciais e incluso inventou e patentou o novidoso “sistema ambidextra”.
Un sistema de corte de Carlos Bardullas realizado “coas dúas mans que produce un cambio na estrutura capilar e aporta ou elimina volume segundo as necesidades dos cabelos”. Está sendo un éxito.
“Estou logrando os sonos que tiña” o estilista porteño recoñece que o ritmo de traballo vertixinoso pero era o que buscaba. É o único estilista que conta con tres nominacións ós Galardóns Nacionais de Perruquería, coa colección “Son de Mar”, onde se inspira (que raro non?) na Costa da Morte.
Polo seu apego á terra foi unha ilusión participar na Mostra do Encaixe de Camariñas:”Foi algo único e moi emocionante. Fíxome máis ilusión que calquera gala internacional”. Por ser no seu concello natal e porque lembra que fai moitos anos presentouse no evento para ofrecer os seus servizos. “Presenteime porque quería peitear as modelos”.Hoxendía peitea modelos e fai moitas cousas máis. É Carlos Bardullas, un orgullo de veciño, un exemplo de profesional.