O portavoz do Partido Popular no concello da Baña e exalcalde, Andrés García Cardeso, confesou sentirse “perplexo e atónito” despois das declaracións do alcalde José Antonio Pereira Gil en Radio Xallas.
“Segue a doutrina de Pedro Sánchez. Enganáronnos coa pandemia e os impostos, pero eles nunca teñen a culpa de nada” asegurou. Quixo retrotraerse no tempo e lembrar que “Regaláronlle a alcaldía polo morro e agora está no seu pedestal. Para él a palabra diálogo non existe”.
Entrevista a García Cardeso desde o minuto 21
García Cardeso negou que pretendan bloquear o concello:”Nós presentamos propostas. Propuxemos adaptar os orzamentos á realidade pero eles só queren maquillar os orzamentos, que se aproben e despois facer o que lles dea a gana. Está todo paralizado porque non queren falar”.
Os populares tamén reclaman axudas xa que os comercios “non teñen ningunha axuda directa do concello da Baña”. E pídenlle ao alcalde que “faga máis xestións”.
Considera que o goberno do PSOE “é un desastre” e pón como exemplo “que se perderon 1.356 horas de axuda no fogar ou unha subvención do Pacto polo Clima”.
