Informa AXEGA 112
O traballador caeu dende unha altura duns tres metros e foi trasladado ao Hospital Clínico de Santiago en helicóptero medicalizado.
Foi o persoal de Urxencias Sanitarias de Galicia-061 o que comunicou ao 112 Galicia, ás 11:30 horas desta mañá, a caída dende unha altura considerable dun operario que se atopaba traballando nun taller da Areeira, en Santa Baia de Logrosa (Negreira).
Tras valorar a gravidade das circunstancias, os servizos sanitarios confirmaron que enviarían o helicóptero medicalizado con base en Santiago. A aeronave chegou rapidamente ao lugar, procedendo a trasladar ao ferido ao centro hospitalario.
Tamén acudiron axentes da Garda Civil e da Policía Local de Negreira.