Informa-AXEGA 112– ACCIDENTE EN SOFÁN
Os dous feridos foron evacuados en dúas ambulancias do Servizo de Urxencias Sanitarias de Galicia-061.
A Policía Local foi quen, pasados uns minutos das oito e media da tarde pasada, informou ao 112 Galicia dun accidente con persoas feridas no lugar de Carracha, en Sofán, na localidade de Carballo.
Nada mais recibir o aviso, os xestores do 112 puxeron os feitos en coñecemento do Servizo de Urxencias Sanitarias de Galicia-061, da Garda Civil de Tráfico e dos efectivos do Servizo Municipal de Protección Civil da localidade. Do mesmo xeito foron informados os Bombeiros de Carballo.
Unha vez no punto, os efectivos de Protección Civil indicaron que se tratou dunha saída de vía na DP-1907. Dúas persoas maiores, o condutor e o acompañante, resultaron feridas e foron trasladadas en dúas ambulancias que os servizos sanitarios derivaron ao lugar.
Engadiron, ademais, que un muro foi derribado debido ao impacto.