Unha muller foi atopada sen vida, esta tarde, na praia de Reimunde, no concello coruñés de Muros.O 112 Galicia tivo coñecemento dos feitos, pouco despois das 16:30 horas, mediante a chamada dos membros do GES da localidade. Estes indicaban que ían comprobar, ao areal, o achado dun corpo, segundo a información que lles facilitara unha persoa particular.
Inmediatamente, desde o CIAE-112 Galicia déuselle aviso ao persoal sanitario e aos axentes da Garda Civil e da Policía Local. Ademais, tamén se informou a Salvamento Marítimo e ao Servizo de Gardacostas de Galicia.Unha vez no lugar, os servizos de emerxencias tan só puideron confirmar o falecemento da muller.
