Unha saída de vía rexistrada esta madrugada na Baña sáldase cunha persoa morta. O sinistro produciuse na AC-546, a estrada que conecta Negreira con Muxía, á altura de Seoane. O 112 Galicia recibía unha chamada dunha persoa particular ás 3:10 horas desta noite. Segundo explicou, a vítima permanecía ferida de gravidade despois de saír despedida do seu vehículo.
Os profesionais do Centro de Atención ás Emerxencias puxeron estes datos en coñecementos de Urxencias Médicas e dos Bombeiros do Xallas. Tamén se alertou á Garda Civil de Tráfico.
Os efectivos sanitarios trasladaron á vítima aínda con vida ao PAC de Negreira, onde acabou falecendo.
