A sonense Ximena Louro preside a nova xestora de Novas Xeracións na provincia da Coruña, contando co Yannick Juncal (Cerceda), como secretario xeral.
Nunha reunión conxunta do Comité de Dirección, o Comité Executivo e a Xunta Directiva de Novas Xeracións celebrada na sede autonómica do PPdeG e presidida por Nicole Grueira, aprobouse a composición desta xestora que contará como vogais con Carlos Moledo, Andrea Iglesias, Araceli López, Manuel Ortigueira, Alba Miramontes, Nerea Mosquera, Brais Alonso, Jose Zar, Rafael Penide, Alberto Castellanos e Bea Quintía.
«Un equipo aberto e con moitas gañas de traballar»
«Un equipo aberto e con moitas gañas de traballar para que as Novas Xeracións da Coruña sigan funcionando», tal e como o define Nicole Grueira, quen ademais aproveitou a reunión para agradecer o traballo ao longo destes oito anos ao equipo encabezado por José Miguel Mahía.
Desde Novas Xeracións de Galicia destacan que o PPdeG foi a primeira opción e o partido máis votado entre o electorado menor de 30 anos e con iso, aseguran, demostrouse que «Galicia e a súa mocidade funcionan».
