Esta fin de semana tivo lugar unha nova etapa da iniciativa impulsada pola asociación Grandimirum que quere reivindicar o camiño histórico que pasaba por Brandomil.Nesta ocasión os camiñantes fixeron o traxecto entre Brandomil(Zas) e Berdoias, no concello de Vimianzo.
A última etapa, que concluirá en Muxía, terá lugar este sábado 17 de setembro. Os promotores indican que «unha vez finalizado o camiño as Asociacións implicadas, lideradas por Grandimirum, definirán a ruta óptima para facer a marcaxe definitiva para futuros peregrinos, e empezar a facer os trámites pertinentes para conseguir o recoñecemento administrativo deste camiño».
Grandimirum conta coa colaboración do concello de Zas e de veciños de A Pereira(Santa Comba), San Cosme de Antes(Mazaricos), Baiñas e Berdoias(Vimianzo).
