Un gol de Cote serviu para que a Copa da Costa volverá para Fisterra dúas décadas despois.
Crónica @CristobalMourin Imaxes @futgal
Fisterra-1-Dumbria-0-
A Sociedade Deportiva Fisterra volveu a gañar unha Copa da Costa vinte anos despois. Valeu o gol de Cote para que os da fin do mundo cumpriran o seu soño.Ambiente excepcional no San Paio de Refoxos(Cee) coa presenza do presidente da Federación Galega de Fútbol, Rafael Louzán e da secretaria xeral para o Deporte da Xunta de Galicia, Marta Míguez.Os aficionados fisterráns, coa peña Rapacollóns, fixéronse notar especialmente.
Comezou o Dumbría asediando ao clube verde, que non tardou en reaccionar. E no minuto 18 Cote marcaba o que sería o único gol do partido, rematando un centro de Tati. A defensa do Fisterra estivo a unha grande altura aínda que Bruno disporía dun par de ocasións e incluso se permitiron ameazar a portería rival cunha xogada combinativa que contou coa participación de Roco, Bruno, Cote e Pablo Lestón.Polo Dumbría Mackay foi autor de dous disparos e tamén Pablo Conde probaba fortuna.
Excelente nivel da defensa do Fisterra
O segundo tempo comezou coma o primeiro, cunha embestida dos dumbrieses. Un lanzamento de falta de Iago(min 49) acabou lambendo o pau longueiro. Tamén Norberto tivo que sacar un balón enveleado e Rivi dispuxo dunha ocasión clara.
O tempo pasaba en un partido igualado o Dumbría colgaba balóns pero a defensa do Fisterra estaba moi atenta e ordenada. A entrada de Jesús aínda deu máis solvencia ao equipo de Nacho que poido aumentar a renda cunha xogada de Jesús que Bruno remata frouxo.
No treito final, o Fisterra quedábase cun home menos(min 80) por expulsión de Piti, por dobre amarela. Os dumbrieses chegaron en varias ocasións pero sen excesivo perigo.Dous remates de cabeza de Aarón e unha atenta intervención de Norberto freando unha internada de José Miguel, foron os momentos máis claros dos de Julián. Pero o Fisterra tamén tivo outra ocasión nas botas de Coté que cabeceou sen forza diante de Bouzón, despois dun centro de Roa.
En lembranza de Desiderio Nemiña
Finalmente o Fisterra saboreaba o triunfo deste prestixioso torneo, e entre o ambiente festivo, houbo palabras de lembranza para o defunto presidente Desiderio Nemiña.
En declaracións a Radio Nordés-Cadena Ser, o actual presidente, Juan Jesús, non quixo esquencerse de “Desi” e tamén louvou a aficción “que ten o 99% nesta vitoria”.
Tamén o lembrou o adestrador, Nacho, que destacou que “despois dunha tempada moi dura, isto é algo moi especial”. E o futbolista Roco que tamén asegurou que este título era un soño cumprido dun equipo que “non adestra, nin cobra, nin recibe primas e conta cun orzamento de terceira rexional”.
Esta final foi retransmitida pola TVG no seu canle online e despois en diferido pola TVG-2. Tamén, nesta ocasión, o tamaño da Copa da Costa estivo máis acorde coa maxia e a historia deste torneo,