Polbo, música tradicional e emotividade. Podería resumirse así o acontecido a pasada fin de semana no Centro Español de Lyss.
Un dos xerentes do centro, Javier Martínez “Javito” describiu en Radio Xallas a experiencia: “Foi moi emotivo escoitar ós Santa Combers en Lyss. E ter ao alcalde, que a xente xa quería que quedara aquí”.
“Querían que o alcalde quedara aquí”
Foi unha marabillosa conxunción de circunstancias.
Martínez confesa que xunto con Javier Ferreiro, xa tiña gañas de levar ós Santa Combers a Suíza. E despois “o pulpeiro Lolo meteunos na cabeza que quería vir a facer o pulpo aquí. E tamén queríamos darlle a benvida a Alberto Romar e agradecer todo o que está facendo por Santa Comba. E entón viñeron todos no mesmo pack”, comentou Javito.
“Seguimos as noticias por Adiante Galicia”
Confesa que seguen a actualidade por internet: “Seguimos as noticias de Santa Comba grazas a Adiante Galicia”. Están moi felices. O alcalde agasallounos con un escudo de Santa Comba.
E todo saíu moi ben:” Nos esperabamos tanta afluencia de xente”. Agardan repetir. Agora xe están pensando en organizar un campionato de tute e tamén unha desta con filloas e chicharróns.
Actividade no Centro Español de Lyss
Teñen varias ideas para seguir dinamizando o Centro Español de Lyss, xa que “ o centro estaba un pouco decaído e agora a xente vai respondendo moi ben os eventos que se fan”.
Veciños de Camariñas, Santa Comba, Zas ou Vimianzo participan na vida social do centro. E tamén degustan a oferta gastronómica cos callos, xamón asado, peixes, ou a carne á pedra que “está sendo un éxito”.
Na “Festa do Pulpo”, aparte dos cefalópodos e a música, tamén houbo orella e carne ao caldeiro.
