17.1 C
Santa Comba
martes, julio 16, 2024

O BNG pide melloras na calefacción das escolas rurais do Busto e San Cristovo

O BNG de Santa Comba expresou o seu apoio ás peticións da ANPA “A Tarandeira” que solicitou ao concello de Santa Comba unha solución “ á falta dunha calefacción adecuada nas escolas rurais do Busto e San Cristovo”.


Desde o BNG piden unha intervención con “carácter urxente” xa que “é condición necesaria para que profesorado e alumnado teñan condicións acaídas para o desenvolvemento da actividade educativa”.

Apoio ás petición da ANPA A Tarandeira


Recalcan o “papel fundamental” que xogan as escolas rurais na fixación de poboación e no caso concreto dos centros de O Busto e San Cristovo denuncian que “ veñen sufrindo un déficit de calefacción, especialmente notorio neste inverno, que dificulta o normal desenvolvemento da actividade escolar”.


O grupo nacionalista opina que a solución “pode vir directamente do propio Concello, ou, se non fose o caso, o Concello debería prestarlles o seu apoio incondicional para conseguila da Consellería de Educación” e dar resposta ás peticións da ANPA do C.R.A. A Tarandeira.
“Os concellos deben ser os primeiros interesados en conservar e apoiar as escolas rurais e , por tanto, os primeiros comprometidos en que teñan as mellores condicións materiais para o desenvolvemento da súa actividade educativa” engaden.

FOTO- ESCOLA DO BUSTO- XUNTA

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos