7.6 C
Santa Comba
sábado, marzo 9, 2024

Entroido 2023 no concello da Laracha

O Concello presenta o programa municipal de actividades que organiza con motivo da celebración das Festas do Entroido e que se desenvolverá do domingo 19 ao mércores 22 de febreiro. As propostas van dirixidas a todos os públicos, pero especialmente ao infantil aproveitando as vacacións nos centros de ensino.


O evento central será o tradicional concurso de disfraces do Martes de Entroido (21 de febreiro, festivo local na Laracha). Mañá mércores abrirase a inscrición, que debe formalizarse cubrindo o formulario que estará dispoñible na web alaracha.gal e nas redes sociais do Concello.

O certame vai dirixido a todos os públicos e repartiranse máis de 3.000 euros en premios. Celebrarase na Praza do Concello (pavillón do IES en caso de condicións climatolóxicas adversas) a partir das 18:30 horas, no descanso da verbena que principiará ás 17:00 e que estará amenizada pola Orquestra Los Satélites.


As categorías de premios establecidas son as seguintes:


• Individual infantil (ata 12 anos).
• Individual adulto (a partir de 13 anos).
• Parellas.
• Grupos (de 3 a 8 compoñentes).
• Comparsas (máis de oito compoñentes)

Nas categorías individuais as contías dos premios serán de 60, 50 e 40 euros para os tres primeiros clasificados. En parellas hai establecido un único premio de 70 euros. Os grupos optarán a 200, 150 e 100 euros. Os premios para as comparsas ascenden a 600, 500 e 400 euros. Ademais, ata un máximo de dez comparsas non premiadas poderán obter a un accésit de 100 euros polo feito de participar.
Festa de Entroido

Recuperando os eventos tradicionais deste programa que non puideron levarse a cabo nos últimos anos por causa da pandemia, o domingo 19 de febreiro pola tarde (17:30 a 20:30 horas) regresa a Festa de Entroido ao pavillón do IES Agra de Leborís. Durante a xornada os nenos poderán desfrutar xogando nos inchables, cos xogos interactivos e tamén da presenza dun DJ infantil que proporá coreografías e bailes. Ademais, repartiranse larpeiradas entre todos os rapaces que acudan disfrazados.


Obradoiros infantís


A programación tamén inclúe dous obradoiros de diferentes temáticas relacionadas co Entroido adaptadas aos grupos de idade aos que van dirixidos.


O luns día 20 os escolares de 5º e 6º de educación infantil e de primeiro de primaria poderán participar nos obradoiros de elaboración de máscaras e de bichiños con lingua. Hai dúas quendas, de 10:00 a 12:00 h e de 12:00 a 14:00 h.


O mércores 22 a temática será a realización de máscaras, complementos e cañón de confeti. Convídase a participar a alumnos de 2º a 6º de educación primaria. Tamén haberá dúas quendas, pero en horario de tarde de 16:00 a 18:00 h e de 18:00 a 20:00 h.
No caso destes obradoiros requírese estar empadroados no Concello da Laracha e inscrición previa a formalizar a partir do 13 de febreiro.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,210SuscriptoresSuscribirte

Últimos artigos