14.1 C
Santa Comba
domingo, febrero 5, 2023

Mazaricos presentará alegacións ao proxecto eólico Alvite

Segundo o concello, o parque eólico Alvite “afectará negativamente” as parroquias das Maroñas e Eirón.

A Casa da Cultura da Picota acolle unha xuntanza para informar sobre o Parque Eólico Alvite que contempla a instalación de 12 aeroxeradores dos cales seis se atopan dentro do termo municipal de Mazaricos e o resto repartidos entre Santa Comba e Negreira.

Segundo explicou o alcalde de Mazaricos, Juan Blanco, o concello presentará alegacións “no nome de toda a veciñanza, e que igualmente asesorará a particulares afectados pola instalación do parque”.

Alegacións proxecto eólico Alvite

Neste sentido, todas as persoas que o desexen poden pedir cita para os días 29 e 30 de xuño e 5 e 6 de xullo, de 12h a 14h, na Casa do Concello. As persoas interesadas recibirán asesoramento para a presentación de alegacións. O teléfono para reservar cita é o 981 86 71 04. O prazo de alegacións pecha o vindeiro 22 de xullo.

Juan Blanco, alcalde de Mazaricos

“Consideramos que este parque afectará negativamente á calidade de vida da veciñanza nas parroquias das Maroñas e de San Fins de Eirón, afectando a terras de cultivo e aproveitamento agrogandeiro”, explicou o alcalde. Recentemente referíase a esta problemática nunha entrevista en Radio Xallas.

O mandatario asegura que o proxecto “vai afectar á liña estrutural do Camiño de Santiago, polo que confiamos no criterio da Dirección Xeral de Patrimonio para evitar que o proxecto se materialice nestas condicións”.

“Este proxecto, tal como está concibido, atenta directamente contra o benestar dos veciños de moitos núcleos das Maroñas e Eirón, e supón ademais un auténtico torpedo contra un dos sectores estratéxicos na economía local como é o do turismo”, resumiu o alcalde.

Por este motivo, Juan Blanco animou á veciñanza da área afectada a “alegar e presentar unha posición de forza para que non se pisen os seus dereitos, porque en Mazaricos xa demos exemplo e imos seguir dándoo de responsabilidade social e ambiental no aproveitamento dos nosos recursos”.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,801SeguidoresSeguir
1,020SuscriptoresSuscribirte

Últimos artigos