O alcalde de Mazaricos, Juan Blanco, está convencido de que na problemática eólica “os concellos podemos conseguir bos acordos, e negociar desde unha posicion de forza para evitar que se cometan atrocidades”.
Parque eólico da Ruña
Sinala que non está en contra da enerxía eólica pero opónse a que se fagan plans “desde un despacho” que prexudiquen ó territorio. E refírese ao pulso xudicial do parque eólico da Ruña que rematou con entendemento:
“Pasamos dun contencioso a un acordo onde o concello vai a ter un ingreso inmediato de máis de 500.000 euros e as entidades locais van a asinar un convenio por valor 2,2 millóns de euros durante 30 anos”.
Con respecto ao proxectos A Picota I e A Picota II “conseguimos que Patrimonio tumbara cinco aeroxeradores”.
Axudar aos veciños de Mazaricos
Nunha entrevista en Radio Xallas que se pode escoitar completa aquí desde o minuto 87 , Juan Blanco incidiu no seu posicionamento de asesorar ós veciños a pesares dos consellos contrarios dos técnicos:
”A intervención municipal pode dicir que non é competencia nosa pagar un avogado ou un técnico para defender ós nosos veciños pero nós entendemos que sí e asumimos as consecuencias”.
