O local veciñal da parroquia de Freixeiro, no concello de Santa Comba, acolleu unha charla informativa sobre o proxecto eólico Monte de Portochán, que ten prevista a instalación de once aeroxeradores cunha potencia total de 66 mw, nos concellos da Baña, Santa Comba e Val do Dubra.
O acto, promovido por Xosé Manuel Vila, contou coa presenza de representantes da asociación “Fonte Seca” e da plataforma de “Bustelo-Campelo- Monte Toural”.
Medio cento de persoas asistiron ao encontro, no que se decidiu presentar alegacións ao proxecto eólico e solicitar unha xuntanza coa alcaldesa de Santa Comba, para pedir o apoio do goberno local.
Desde a asociación “Fonte Seca” informaron sobre os efectos dos proxectos eólicos e aconsellaron aos veciños presentar alegacións masivas e optar pola mobilización. Estase a preparar unha manifestación no concello de Santa Comba, relacionado coa problemática eólica.
NOTICIA RELACIONADA
Tres nuevos proyectos eólicos a exposición en Santa Comba, A Baña y Val do Dubra
