Partido Popular e BNG acusan a concelleira de igualdade de Camariñas de ter unha “actitude machista” cunha concelleira.
O Partido Popular de Camariñas solicita a dimisión “de forma inmediata” e unha desculpa pública da tenente alcalde socialista Sandra Insua polo “comportamento que tivo coa nosa compañeira Carmen Suárez”, xa que segundo este partido usou unha frase con contido machista(“… e que lavando platos non te metes en jaleos” no último pleno.
Os populares amosan a súa “indignación e repulsa” por esta actitude e tamén lamentan que o PSOE non fixera nada ao respecto polo que “podemos comprobar como para os seus compañeiros esa actitude é normal”.
Aseguran que solicitaron unha rectificación por parte da concelleira e que se encontraton cunha negativa e agora piden responsabilidades “xa que o seu comentario non ten defensa algunha”.
O BNG tamén pide a demisión
O Bloque Nacionalista Galego tamén esixe a dimisión da tenente de alcalde de Camariñas e concelleira de Igualdade, Sandra Insua, por esta suposta “actitude machista” cara as mulleres.
Segundo os nacionalistas, Insua Rial, respostou a unha concelleira coa seguinte expresión:”Non recibe denuncias fregando os platos”.A concelleira Ilva Carril pediu que a edila socialista “retirase este tipo de comentario e pedise disculpas”, pero non foi así.
Outras peticións do BNG
A través dun comunicado, o BNG critica que houbo veciños que quedaron sen poder acceder a subvencións pola ausencia do concelleiro de Emprego, Sergio Caamaño. “As axudas e subvencións non poden depender de si o concellal de turno está resfriado ou ten outro tipo de problemas” aseguran desde o BNG.
No último pleno os nacionalistas pediron que se invista no mantemento do mobiliario urbano e se cumpra coa Lei de Memoria Histórica “e se inicie a retirada da simboloxia fascista e dos nomes das rúas que esteñan relacionadas co franquismo”.