O concelleiro vimiancés José Manuel Rodríguez Blanco falou hoxe na Encrucillada de Radio Xallas(107.5FM) e Fórmula Fun Bergantiños(91.9FM). Roque que leva varias lexislaturas no Partido Socialista ainda que agora está suspendido cautelarmente pola moción de censura fallida de Vimianzo, agarda que se solucione a situación dentro do partido: “Espero que haxa un cambio tremendo e se empece a dar valor aos militantes e aos veciños. Espero que o novo secretario provincial cambie ese chip que tiña a anterior provincial porque vivían nunha nube”.
“A provincial fixo as cousas rematadamente mal”
Unha das grandes controversias que tivo Roque foi precisamente co ata o dagora secretario provincial Francisco Caamaño. Para o edil vimiancés na directiva provincial dirixada por Caamaño fixéronse as cousas “rematadamente mal” e como proba alude a situación actual:”Tivo que facer as cousas moi mal feitas cando tivo que abandonar o carro na mitade da lexislatura”.
“Hai moitisimas agrupacións coas que non falaron e ainda non saben cales van ser os seus candidatos” indicou Rodríguez que non entende “se foi por malas influencias, falta de capacidade ou deixadez”.Rodríguez Blanco tamén agarda cambios a nivel municipal xa que entende que a actual executiva está facendo “unha mala xestión” e parece que “está intentando meter fora aos militantes”.
Acusa a Manuel Antelo de “desfacer” ao PSOE de Vimianzo
José Manuel Rodríguez volveu a acusar ao alcalde de Vimianzo, Manuel Antelo do BNG, de manexar a actual executiva local de Vimianzo a ao seu portavoz municipal José Antonio Miñones: “O alcalde de Vimianzo ten moito interés en que nos expulsen definitivamente. Move fíos onde faga falla, porque ller facemos moito dano pero recórdolle que estamos expulsados provisionalmente”.
Acusa a Manuel Antelo de “desfacer” ao Partido Socialista “primeiro cunha concelleira tránsfuga que marchou do PSOE e agora co señor Miñones. El vai manexando as súas anchas”.
“Levo moitos anos traballando porta por porta polo Partido Socialista” afirmou Roque para expresar a súa ilusión que se abra unha nova etapa a nivel provincial no partido.
Escoita a entrevista con Roque
A partir do minuto 16 de programa