A Alternativa Galega de Esquerda perde a súa segunda deputada nesta lexislatura. E por diferenzas políticas. Chelo Martínez será desde agora o altavoz de Cerna no Parlamento de Galicia e a confirmación doutra desavinza que remata en abandono pola relación dentro da coalición.
Chelo Martínez vaise ao grupo mixto
A Alternativa Galega de Esquerda perde a súa segunda deputada no que vai de lexislatura. Consuelo Martínez formalizou este martes o seu pase ao grupo mixto.
Chelo Martínez, que pertence ao colectivo Cerna, grupo escindido de Anova, criticou o excesivo peso que ten Esquerda Unida na coalición AGE e que xa non se repesenta a filosofía inicial da coalición:“O funcionamento actual de AGE non representa esa filosofía de cambio das organizacións políticas e do que é unha coalición e da forma de traballar, onde o gran peso e a definición do que é o traballo de grupo está recaendo fundamentalmente en Izquierda Unida”.
Beiras percibe unha contradicción
Pola súa banda, o voceiro nacional de Anova, Xosé Manuel Beiras asegurou que houbera contactos “e tentamos varios membros de Anova falar” con Martínez para evitar esta situación, e reflexionou sobre a marcha da deputada, xa que entende que coa súa marcha está agravando máis a teórica situación de preponderancia de Esquerda Unida en AGE.
Nesa hipótese de deixar o gruopo contribúe a impedir que eso sexa así ou contribúe a agravar o mesmo problema que se denuncia”. Preguntouse en rolda de prensa, Xosé Manuel Beiras.
Unha disputa polo protagonismo e polos cartos, para o PP
A este respecto tamén opinou o voceiro parlamentario do Partido Popular, Pedro Puy que afirma que queda demostrada a “excasa capacidade integradora da chamada esquerda rupturista”. Puy Fraga sinalou que “todo se reduce a disputarse certo protagonismo e os fondos do Parlamento” para os grupos políticos
Coa marcha de Consuelo Martínez ao grupo mixto a Alternativa Galega de Esquerda pasa de nove a sete deputados, xa que recentemente tamén abandoou o grupo a parlamentaria Carmen Iglesias.
Aínda que Martínez integra o grupo mixto, desde xa Cerna, que decidiu constituirse en partido político, terá un excelente foco mediático para visualizar o seu traballo e trasladar as súas propostas”.
