Noelia Baleato Toja ocupa o segundo posto na candidatura do PSOE de Santa Comba que encabeza Alberto Romar.
É dos Amenzóns- Freixeiro e dedícase ao sector do turismo. Segundo desvelou nunha entrevista na nosa canle un dos motivos que a levou a participar na política local é “o desencanto da xente e a desilusión, xa que levamos moito tempo escoitando promesas baleiras que non chegan a executarse”.
E tamén lle convenceron as propostas do candidato Alberto Romar e “a súa capacidade de traballo e o compromiso que ten con Santa Comba”.
«En Santa Comba sobran os recursos»
Pensa que este é un xeito de “servizo á veciñanza”, comezando pola “situación catastrófica” da súa parroquia, Freixeiro, e por extensión a todo o concello que definiu como “arcaica e desfasada”, co emprego de “políticas curtoplacistas” por parte dos gobernantes.
Baleato considera que “en Santa Comba sobran recursos” pero o sector turístico “está esquecido” e aposta por construír a “marca Santa Comba”.
Pide unha oportunidade e afirma que os socialistas xalleiros “temos un proxecto executable”.
