A Asociación Vento Libre de San Román entregou no Parlamento de Galicia máis de 2.300 sinaturas contra o proxecto eólico de Vilartoxo, no concello de Val do Dubra.
Desde esta entidade tamén remitirán as sinaturas tanto a Xunta de Galicia como ó concello de Val do Dubra “para que teñan constancia do rexeitamento do parque e para esixir a paralización do proxecto”.
Segundo explican desde Vento Libre “decidimos recoller sinaturas porque tiñamos certeza de que o apoio ía ser maioritario e así o demostran as 2.322 persoas que secundan as razóns para opoñernos á construción dun parqueeólico que traería serios prexuízos tanto para a veciñanza como para o patrimonio».
Critican a a pouca distancia das casas ao lugarque se prevé a instalación dos muíños co posible ruido, ou o perigo “o para as vinte fontesque dan de beber a unha parroquia que non conta con abastecemento municipal”.
Tamén alegan sobre a perda de valor das súas propiedades e a destrución de terras e do medio ambiente ou a afección ao patrimonio histórico, por exemplo, sobre varias mámoas ou o petroglifo de Gavís.
