APP financiada polos fondos FEADER no ámbito territorial do GDR Terras de Compostela.
A asociación Costavales, con sede en Santa Comba, informou que o AGADER, a través do Grupo de Desenvolvemento Rural 19 Terras de Compostela, dou luz verde ao proxecto denominado “Dinamización e impulso da economía local a través da aplicación móbil para o uso dos Costavales” que presentou esta entidade.
A proposta que permitirá a creación dunha APP(aplicación para móbiles) recibiu a puntuación máxima. O proxecto vaise a desenrolar en todo o territorio de actuación do GDR Terras de Compostela, que abrangue os concellos de Negreira, A Baña, Val do Dubra, Ames, Brión, Santa Comba, Teo, Boqueixón, Vedra e Santiago de Compostela (zonas rurais).
Unha ferramenta para os concellos
Segundo a asociación “a implantación dunha aplicación móbil para a xestión dos Costavales que xa están a funcionar en soporte papel no Concello de Santa Comba, ten como obxectivo a mellora do sistema, xa que unha plataforma tecnolóxica online vai a supoñer unha maior achega a tódolos usuarios do sistema, transaccións máis áxiles e maior control dos vales”.
Os obxectivos son impulsar a economía local e o consumo de produtos locais potenciando tamén o uso das novas tecnoloxías e “ofrecer unha ferramenta aos Concellos para que as axudas de emerxencia social que se entreguen a colectivos desfavorecidos se redirixan ás empresas locais”.
Fotos- Acto de presentación da moeda en Santa Comba
