Jonny Souto:”Debemos estar máis unidos que nunca para que poidamos saír pronto á rúa e volver ás nosas vidas”

Entrevista en Adiante Galicia -Hoxe falamos co artista xalleiro, Jonny Souto.

P-Como estás vivindo estas datas?

R- A verdade é que é unha situaciónpeculiar e algo molesta; non poder saír á rúa, non ver aos teus amigos… Pero como todo na vida, ten o seu lado bo; ofrécesenos a oportunidade de pasar tempo na casa, atoparse a un mesmo e disfrutar da nosa familia.

P-Que mensaxe lle enviarías aos nosos vecinos?

R-Mándolles un forte abrazo a todas as persoas que o están pasando mal. Non vos desgustedes nin perdades os ánimos, debemos estar máis unidos que nunca para que poidamos saír pronto á rúa e volver ás nosas vidas.

P-Este ano xa estabades traballando na preparación da Semana Santa, verdade?

R-Pois sí, este ano estabamos a elaborar unha gran variedade de actividades en diferentes ámbitos. Entre elas, unha pequena representación teatral sobre o lavatorio de pés para o Xoves Santo, unha procesión na que participaríamos disfrazados dos Doce Apóstolos para o Domingo de Ramos e ademais estaban programadas outras actividades como xogos e películas que se levarían a cabo durante o catecismo.

A día de hoxe Don Eduardo (Prado) coa colaboración do coro estamos estudando como facer cumprir as medidas de seguridade no ámbito litúrxico da vila, agora que se inicia o proceso de volta á normalidade.

P-No teu ámbito artístico personal que tiñas previsto para este ano?

R-Pois a verdade é que non me deixo levar poas expectativas nin polas suposicións. Neste momento estou centrado na preparación das probas de acceso á universidade, pero non deixo de lado a música, para así poder dar o mellor de min en ambos ámbitos.

P-A situación do coronavirus que afecta tamén a artistas e orquestas, que en perigar o seu medio de vida, unha pena verdade?

R-A verdade é que esta situación está afectando a todos os gremios, pero o mundo artístico acostuma verse olvidado. Hai que ter en conta que moitas familias viven desto non só os artistas. Son moitas as persoas detrás do escenario que fan posible o espectáculo, entre eles montadores, managers, etc.

Non entanto, é comprensible que as festas sexan unha das últimas cousas que vaiamos a recuperar xa que polo gran número de persoas que reúnen, poderían converterse nunha vía de contaxio.

P-Recoméndanos 3 cancións para escoitar estes días…

R-Non che sabería dicir así de primeiras… A música para min é unha maneira de expresarme e expresar sentimentos que doutro xeito non sería capaz de facer. Por iso e pola gran variedade de música que me gusta e escoito me é tan complexo dicirche só 3. Si podería dicirche unha en particular, que a min  me fascina, e a cal é René de Residente, na cal fala das situacións que tivo que afrontar ao longo da súa vida.