Unha persoa resultou ferida de consideración despois de colidir un camión -de transporte de penso- e un turismo.O accidente ocorreu, sobre as 20:30 horas deste luns, no lugar do Orbellido, en Baíñas, concretamente, na AC-441.
Foi a esa hora, cando un particular alertou ao 112 Galicia dun choque entre un camión e un turismo e cunha persoa atrapada no interior do turismo. Así, o 112 Galicia, pasou aviso decontado ao 061-Urxencias Sanitarias e aos Bombeiros de Cee. Do mesmo xeito, informou aos axentes de Tráfico e aos efectivos de Protección Civil.
Tras chegar ao lugar, os Bombeiros confirmaron ao persoal do 112 Galicia a excarceración do condutor do turismo. Ademais, sinalaron que aínda que ía consciente, o ferido presentaba múltiples lesións que parecían revestir gravidade.Nada mais ser evacuado polos servizos sanitarios, o persoal de mantemento da estrada encargouse da limpeza da vía.