O BNG de Coristanco ven de publicar un novo número do seu boletín informativo. No mesmo fai unha análise negativa da actualidade política municipal:
«Temos un alcalde que nin organiza nin nada fai, limítase a redactar providencias infantís e entra continuamente en contradicións» afirma Laura Mariño.
Neste boletín tamén se dedica un espazo á reforma da Casa da Cultura «parte do legado do BNG no seu paso pola área de Cultura» e a varias actuacións no concello de Carballo ao que poñen como exemplo. Tamén se difunde unha entrevista coa portavoz nacional, Ana Pontón.