Un home faleceu hoxe na praia de Pantín, en Valdoviño, mentres participaba nun curso de surf.A vítima, duns 45 anos, foi rescatada da auga xa inconsciente. A pesar dos intentos dos efectivos sanitarios, nada se puido facer por salvarlle a vida.
O 112 Galicia tivo coñecemento da situación ás 12:15 horas desta mañá, a través da chamada dunha persoa particular. Segundo relataba, o varón semellaba desmaiado.
Con estes datos, o persoal do 112 alertou ao 061-Urxencias Sanitarias, que decidiu mobilizar ata o areal dúas ambulancias. Tamén se inforou á Garda Civil.
