O Partido Galego de Santa Comba celebrou un acto para presentar ao seu candidato á alcaldía, que é un vello coñecido da política local, o ex-alcalde Miguel Pérez Fernández.
No multiusos xalleiro, falou o secretario local, Anxo Ares, o dirixente do Partido Galego, Xosé Antón López, e Montse Almozara, que ocupará o segundo posto na candidatura.
Tanto Almozara como o propio Miguel Pérez puxeron en valor o traballo feito polo ex-mandatario nos seus anos de goberno e a necesidade dun cambio político no concello de Santa Comba.
“Que este acto o poidamos recordar como o día no que un grupo de homes e mulleres de Santa Comba decidimos cambiar o destino do noso pobo. Santa Comba ten dereito a vivir, Santa Comba quere vivir “ manifestou o candidato.
Reclamar os dereitos de Santa Comba diante da Xunta
Para Pérez o presente non é óptimo:”Estas a suceder cousas que non boas, e sen que os que nos están a gobernar se manifesten.As cousas en Santa Comba non marchan ben. Cada día que pasa Santa Comba é menos concello”.
Pediu apoio para cambiar esa situación :”Santa Comba é un xigante durmido, un león que imos a despertar”. E garantiu “a capacidade” do Partido Galego “para ir a Xunta de Galicia a reclamar os nosos dereitos” xa que “A Xunta vai a ter que empezar a cumprir coas obrigas que ten con Santa Comba”.
