O presidente do PPdeG, Alfonso Rueda Valenzuela, participou na Xunta Directiva Provincial do Partido Popular da Coruña onde valorou “o fito histórico” e os “resultados excepcionais” dos comicios autonómicos.
13 escanos e 48% dos votos emitidos
Lembraron que o Partido Popular sumou 13 escanos sumando case o 48% do total dos votos emitidos, “o que supón que case a metade dos coruñeses elixiron a papeleta do PPdeG o 18-F”.En total, 26.400 sufraxios máis que en 2020 e 12.500 votos máis que a suma de BNG e PSOE.
Alfonso Rueda resaltou a importancia deste logro para o futuro de Galicia, enfatizando o compromiso de seguir superándose cada día grazas a “un goberno marcado pola dignidade, a responsabilidade e o sentidiño”.
Valoración moi positiva
Tamén fixo unha valoración moi positiva o presidente provincial Diego Calvo, que agradeceu a todos os alcaldes e portavoces da provincia, así como aos militantes e afiliados a súa axuda, en campaña electoral e todos os días do ano, xa que eles son a voz e a cara do PPdeG en cada recuncho da provincia.
A esta xunta directiva asistiu a secretaria xeral, Paula Prado.
