Nova xornada do fútbol costeiro, na que os afeccionados poderán disfrutar de partidos intersantísimos nas cinco categorías do deporte rei na Costa da Morte.
Redacción (@AdianteGalicia)
Un necesitado Bergantiños recibe ao líder de Terceira División, o Rápido de Bouzas. O conxunto de Javier Oreiro buscará unha victoria ante os vigueses que lle permita coller un pouco de aire para afrontar con forzas as vindeiras xornadas e saír dos postos perigosos da clasificación.
Na Preferente Norte, o Paiosaco buscará unha victoria, na Porta Santa ante o Viveiro, que lle permita seguir invicto na competición e seguir soñando con facer algo importante esta tempada.
Polo que respecta ao Laracha, o equipo de Félix García buscará encadear a súa segunda victoria consecutiva ante o filial da SD Compostela, o Agrupación Estudiantil. O mesmo que os laracheses quere acadar o Xallas na súa visita ao Atlético Riveira, un equipo que se está mostrando irregular no que vai de tempada e que non chega no seu mellor momento a este encontro.
Pola súa banda, un doído Dumbría intentará acadar o seu primeiro triunfo no que vai de liga ante un O Val, que é o penúltimo clasificado con tan só tres puntos máis que os dumbrieses.
.JPG)
O Soneira, líder invicto da Primeira Rexional, quere seguir no máis alto da clasificación para iso buscará conquistar o Cairo ante un Corme que non lle poñerá as cousas, para nada, fáciles, xa que o equipo de Miguel Torrado quere volver á senda da victoria.
Mentres tanto, o Sofán recibe no Carral a un irregular Agolada que chega a esta xornada coa moral polas nubes tras golear ao Malpica a pasada semana pero os homes de Josito queren seguir mirando cara a parte alta da clasificación e buscarán que os tres puntos queden en terras carballesas.
Outes e Malpica queren volver á senda da victoria tras tres derrotas consecutivas. Os homes de Manu Roque reciben no Conchido ao Tordoia, un equipo da parte baixa da clasificación. Mentres que o Malpica enfrontarase na Pedra Queimada a un irregular Sigüeiro.
Pola súa banda, o Baio intentará recompoñerse da dura derrota sufrida a pasada xornada ante o potente Flavia. Os pupilos de Óscar Suárez buscarán a victoria no Platas Reinoso ante un recén ascendido Val do Ulla que está sorprendendo polo seu bo inicio de liga.
O líder da Liga da Costa, o Ponteceso, quere seguir no máis alto da clasificación e buscará a victoria no derbi ante o Cerqueda. Mentras que os equipos do grupo perseguidor esperan un fallo dos pontecesáns para darlle caza aos homes de Barca sempre e cando eles consigan a victoria.
Baíñas e San Lorenzo enfrontanse no partido da xornada. Os verdes buscarán seguir coa súa traxectoria ascendente e darlle un duro golpe ao equipo de Verdillo, un conxunto que quere recompoñerse da derrota da pasada tempada ante o Castriz.
Mentres tanto, o Sporting Zas intentará conquistar o Hermanas Patiño na súa visita a un mermado Camariñas polas baixas que acarrea.
Por detrás, chega un eufórico Castriz logo da súa victoria en Verdillo a pasada xornada. Esta semana, os xalleiros reciben a un recén ascendido Ameixenda que está firmando un gran inicio de tempada.
No que respecta ao Mazaricos, o equipo de Néstor Romero intentará conseguir a súa terceira victoria consecutiva na súa visita a un Cee que chega doído tras a goleada sufrida ante o Zas.
Pola súa banda, o Fisterra buscará reencontrarse coa victoria no Arasolís ante un irregular Porteño que non dá arrancado.
Nas Redondas, a Esteirana quere acadar o seu segundo triunfo consecutivo ante un Cabana que quere conseguir a primeira victoria da tempada.
En Carnota, o conxunto local e o Buño buscarán conseguir sumar os tres puntos para alonxarse dos postos baixos da clasificación. Mentres que o colista da categoría, o Volantes de Baño, recibe no Eleuterio Balayo a un Coristanco que quere volver á semda da victoria.
O Laxe e o Corcubión disputarán o partido da xornada da Terceira Rexional no Municipal de Laxe.
Por outra banda, Montelouro e Muxía disputarán un encontro interesante no Agra de Filgueira onde estará a terceira ou incluso a segunda praza da clasificación en xogo.
Mentres tanto, o Castrelo e Sporting Seaia buscarán a segunda victoria da tempada no Municipal de Vimianzo. E o Lira intentará puntuar por primeira vez no que vai de liga ante o Camelle.
TERCEIRA DIVISIÓN (Domingo 25 de outubro)
Bergantiños CF – Rápido de Bouzas CF, ás 17.00h nas Eiroas (Carballo)
PREFERENTE NORTE (Domingo 25 de outubro)
.JPG)
Agrupación Estudiantil – Laracha CF, ás 16.30h en San Martiño (A Estrada)
CF Dumbría – SD O Val, ás 16.30h no Conco (Dumbría)
Atlético Riveira – Xallas FC, ás 16.30h na Fieiteira (Riveira)
UD Paiosaco – Viveiro CF, ás 17.00h na Porta Santa (Paiosaco)
PRIMEIRA REXIONAL (Domingo 25 de outubro)
SD Sofán – SD Agolada, ás 16.30h no Carral (Sofán)
Corme CF – Soneira SD, ás 16.30h no Cairo (Corme)
CD Baio – Val do Ulla UD, ás 16.30h no Platas Reinoso (Baio)
SCD Malpica – Sigüeiro CF, ás 16.30h na Pedra Queimada (Malpica de Bergantiños)
Outes CF – Tordoia CF, ás 17.00h no Municipal do Conchido (Serra de Outes)
LIGA DA COSTA (Domingo 25 de outubro)
UD Carnota – Buño SCD, ás 16.30h no Municipal de Lombáns (Carnota)
UC Cee – Mazaricos CF, ás 16.30h no Sampaio dos Refoxos (Cee)
Cabana SD – SD Esteirana, ás 16.30h nas Redondas (Cabana de Bergantiños)
Volantes de Baño FC – SD Coristanco, ás 16.30h no Eleuterio Balayo (Muros)
CD Baíñas – SD San Lorenzo, ás 17.00h no Municipal de Vimianzo (Vimianzo)
SD Fisterra – CF Porteño, ás 17.00h no Arasolís (Fisterra)
Camariñas FC – Sporting Zas, ás 17.00h no Hermanas Patiño (Camariñas)
UD Cerqueda – Ponteceso SD, ás 17.00h en Xaviña (Buño)
SD Castriz – SD Ameixenda, ás 17.00h en San Pedro (Castriz)
TERCEIRA REXIONAL (Sábado 24 e domingo 25 de outubro)
SD Laxe – UD Corcubión, sábado 24 ás 16.30h no Municipal de Laxe (Laxe)
Lira CF – Camelle SD, sábado 24 ás 16.30h no Municipal de Lombáns (Carnota)
CF Castrelo – Sporting Seaia CF, sábado 24 ás 17.00h no Municipal de Vimianzo (Vimianzo)
UD Montelouro – Muxía CF, domingo 25 ás 16.30h no Agra de Filgueira (Louro)
Descansa CD Nantón
