A escritora de Fisterra Branca Vilela presentou o seu último poemario nun acto poético musical en Muxía.
A escritora tras o acto indicou que foi «Unha tarde para o recordo, o sentimento, os encontros, a amizade e as emocions: grazas a todos que me acompañastedes, Grazas a Suso e a Xulio polas súas palabras tan cheas de admiración, tenrura e compañerismo. Grazas os que quixéstedes vir e non pudestedes. Grazas a Pepe Formoso por volcarse para que nos sintiramos como na casa» destacou a autora.
Prólogo de Xulio Valcárcel
O escritor lucense Xulio Valcárcel foi o autror do prólogo de «Adeus espido do mar», o novo poemario que Branca Vilela presentou na fin de semana en Muxía. Estivo acompañada por Suso Bahamonde, autor local, e polo seu fiel compañeiro e prologuista da obra Xulio Valcárcel, a quen Branca agradeceu a confianza depositada «dende o primeiro libro que publiquei».
Recordou ao seu pai que naceu no día da presentación, por iso «Tiña que ser aquí, e tiña que ser neste día», no albergue Bela Muxía. «Penso neste libro como nunha especie de elexía ao adeus», sinalou Vilela, indicando que a segunda parte «foi escrita trala morte do meu pai». Tamén contou a historia do seu curmán Abel, un mozo falecido no mar pero cun corpo que nunca se chegou a atopar. Finalmente optou polo recitado do último poema do libro, visiblemente emocionada e teimando «por non chorar».
Foto- Facebook Branca Vilela- Tsz-Man Chan