11.9 C
Santa Comba
sábado, febrero 17, 2024

O PP agradece o esforzo da Xunta para cubrir seis novas prazas de pediatría na da Costa da Morte

Representantes do Partido Popular na comarca da Costa da Morte, encabezados polos seus candidatos ao Parlamento de Galicia, Rubén Lorenzo, Paula Mouzo, Jesús Picallo e Sandra Vilela, agradeceron hoxe o esforzo que a Xunta de Galicia realizará para cubrir as prazas de pediatria nos municipios de Carballo, Ponteceso, Vimianzo, Muxía, Dumbría e Fisterra.

O anuncio dos populares chega despois de que no día de onte o Servicio Galego de Saúde (SERGAS) fixera pública a relación de profesionais que foron seleccionadas no proceso para optar ás prazas sanitarias de difícil cobertura.

Eses profesionais, explican desde o Servizo Galego de Saúde, teñen agora dez días para elixir destino segundo a súa puntuación e comezarán a traballar no próximo mes de marzo. A convocatoria establece un procedemento que permite que, no caso de que non se incorporen ao servizo activo no destino adxudicado, o SERGAS poderá seleccionar a novos aspirantes para cubrir estas prazas.

Esta convocatoria de 60 prazas de pediatría de atención primaria, que inclúe as novas seis para a comarca, foi anunciada en febreiro de 2023 polo presidente Rueda e realizouse a través da Lei 2/2022 de medidas extraordinarias para a provisión de postos de difícil cobertura, aprobada no Parlamento de Galicia co voto en contra de BNG e PSdeG.

Esta lei incentiva a cobertura destas prazas ao ofrecer o maior nivel de estabilidade laboral, obtendo unha praza fixa en propiedade, cun sistema de acceso máis sinxelo e áxil: un concurso de méritos que non require exame de oposición.

Rubén Lorenzo e Paula Mouzo con Alfonso Rueda e outros dirixentes populares

Desde o PP «actuamos con responsabilidade»

“Mentres os partidos de esquerdas deron completamente as costas aos veciños da nosa comaca e se adicaron neste asunto a montar barullos, manifestacións e manipulacións contra a Sanidade Pública, desde o PP actuamos con responsabilidade e puxémonos a traballar para tratar de buscar unha solución a un problema estrutural de carácter nacional, que é a falta de pediatras, e afortunadamente conseguimos o noso obxectivode mellorar os servicios que reciben os nosos veciños”, din os populares.

Critican o «cinismo» do BNG e do PSdeG

Neste sentido, dende o PP lamentan o “cinismo” co que se comportan tanto o BNG como o PSdeG, aos que acusaron de “tratar de dar leccións” cando, apuntaron, despois non teñen reparos a votar en contra de mocións e de propostas encamiñadas a mellorar a sanidade pública galega.

“Todos sabemos que o único obxectivo da esquerda é terminar co goberno de Alfonso Rueda. Pouco ou nada lles importan os veciños e son capaces de calquera cousa, xa os vimos co asunto dos ‘pellets’, para logralo aínda que eso sexa prexudicial para os galegos”, apuntan os populares, que concluíron subliñando a importancia de manter en Galicia un goberno “serio e estable” o próximo 18 de febreiro.

Nota de prensa do PP da Costa da Morte

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,210SuscriptoresSuscribirte

Últimos artigos