O artista de Castriz aconsella aos veciños de Santa Comba e outras localidades que «queden nas súas casas» e e «cumpran todas as medidas».
//Xosé Manuel Lema// @xmlema
Algunhas das cancións que interpreta soan diariamente en Radio Xallas.José Ramón Recarey, vive e traballa na metrópole reloxeira de Biel- Bienne, unha cidade do cantón de Berna, que conta cunha importante representación de veciños nosos de Santa Comba,Cee, Carballo, Camariñas, Negreira ou Laxe.Desde alí aténdenos.
“Son momentos críticos por non saber como vai a terminar isto e sobre todo tamén sentir máis morriña se cabe, da miña terra e da miña xente especialmente a familia” dinos.
Actuación tardía e caso omiso dos consellos
A súa preocupación xustifícase na xestión que se está facendo do coronavirus e no seguimento, en casos, dos consellos:”A miña forma de ver estase actuando tarde en base a tomar decisións por parte dos gobernos e por outra parte aínda existe moita xente que fai caso omiso as recomendacions do goberno”.
Mensaxe para a comarca de Xallas
Recarey pide aos seus paisanos da comarca de Xallas e ás persoas en xeral “que cumpran con todas as medidas e principalmente que queden nas súas casas. Iso é ou mellor que podemos facer nestes momentos de epidemia”.
Non se esquece das situacións que se están vivindo coa perda de seres queridos.” Xa é doloroso perder a un familiar ou un amigo en condicións normais e non quero nin pensar toda a dor que se ten que pasar perdendo a alguén nestes momentos sen poder darlle ou último adeus”.
