O portavoz de Compromiso por Galicia no concello da Baña advertiu que a opción dunha posible moción de censura “vai estar sempre aí” e advertiu que “se ninguén do PSOE me pediu explicacións por votar a favor e cederlle a alcaldía, espero que tampouco a pidan por quitarlla”.
Ramos Domínguez volveu a ser moi crítico coa xestión do goberno local que practica “unha política moi escura, mentido as veces, e con pouca transparencia”.
Denunciou que o PSOE propuxo un Plan de Obras “para axudar a xente afín en diferentes parroquias”, exercendo una xestión “parcial para beneficiar aos seus”.
Tamén se referiu a “un dedazo en toda regla” na contratación do xefe da cuadrilla de incendios.”Foi unha cacicada, escolliuse a dedo”. Pero Ramos incidiu:”Levaban 24 anos criticando ao Partido Popular e despois non contestan no plenos e hai dedazos, enchufes, ….”
Entrevista a César Ramos- Desde minuto 33
O concelleiro galeguista lamentou a falta de capacidade de diálogo do executivo:”Co PSOE é imposible chegar a acordos.O señor Pereira non foi capaz de negociar nada. Sempre dixen que era e un acalde que non daba a cara”.
Segundo Ramos o cambio desexado na Baña está sendo frustrado:”O PSOE non é consciente da oportunidade que está perdendo. O señor Pereira non é consciente de todo o que loitou o PSOE para chegar aquí”.
Outro punto de controversia é o referente a comunicación municipal:”O Facebook e a web están xestionadas por unha empresa que pagamos todos, e non pode estar ao servizo dun partido político por moito que forme parte do goberno”.
