Pódese votar ata este venres ás 12,00 por internet. Non é preciso rexistrarse.
O monte comunal de Froxán(Lousame) conta con serias posibilidades de gañar o European Outdoor Conservation Association (EOCA). De feito a súa proposta está empatada con outra candidatura. Había 150 iniciativas preseleccionadas, das cales 14 proxectos chegaron á final.
A votación pública está aberta ata este venres ás 12,00. Por este motivo, os veciños de Froxán piden apoios para este treito final. A vitoria suporía poder repoboar 20 hectáreas de eucaliptais con dez mil árbores autóctonas.
“Para facer posible o proxecto que pretende deseucaliptizar 20 hectáreas dun monte que ardera nos lumes de 2006 e 2016, para tornalas nun grande bosque autóctono, as entidades promotoras está a solicitar a colaboración de todas as galegas e galegos, e que o premio veña para Galicia” aseguran desde a asociación Véspera de Nada.
«O voto é moi sinxelo.Non é preciso nin rexistrarse, tan só ir ao enderezo http://bit.do/froxan e alí facer click na candidatura de Froxán»,
indican.
Tamén expresaron o seu apoio nun comunicación e fixeron un chamamento á mobilización desde o colectivo ecoloxista Verdegaia, que xunto coa Coluna Sanfins e a comunidade de Froxán promoven este proxecto
