15.2 C
Santa Comba
domingo, julio 3, 2022

En lembranza de Antonio Landeira Landeira

No ano 2002 visitei os batáns de Oa en Trazo, os últimos en activo de Galicia. Fun co último bataneiro de España, Antonio Landeira, e co seu fillo Pepe no Land Rover do sobriño de Antonio por empinadas costas e revoltas en caída cara o río. Alí o vello Antonio deunos unha clase maxistral e única dun oficio desparecido e puden facerlle unha reportaxe histórica que hoxe recordamos. A súa sobriña amosoume unhas mantas de lá e liño mazadas naquel batán nos anos cincuenta.

Antonio Landeira nos Batáns de Trazo

Os batáns de Neiro en Trazo

Antonio Landeira Landeira naceu o 18 de marzo de 1917 na aldea de Oa, parroquia de Xavestre (Trazo). Comezou xunto coa súa familia como bataneiro no actual conxunto de batáns de Neiro.

Os mellores batáns de la e liño co que conta Galicia, xa documentados en 1750,propiedade da súa familia, no mesmo lugar no que naceu, compaxinando as tarefas de moer millo e trigo para panadeiros da Mahía e Bergantiños coa a produción de luz eléctrica para a zona. De feito foi Alfonso Molina, logo alcalde coruñés quen lle fixo o proxecto para facer cun muiño unha casa da luz.

Antonio-Landeira-Landeira

Carbónicas Landeira

En 1942 e con 7.000 ptas fundou en Val do Dubra a súa primeira empresa, Gaseosas Landeira. A produción era manual e reducíase a venda dunha vintena de caixas de 24 unidades diarias, que eran transportadas polo empresario nun carro de cabalos, percorrendo asta 50km.

Sete anos despois, en 1949, foi a Santa Comba, onde a familia Ordóñez, que explotaba o barracón da mina de volframio de Varilongo, lle arrendou un baixo de 60 m2 no que atendeu a demanda de gasosas, oranges e sifón.

Sección Xalleiros con Rafael Lema – Desde o minuto 13– (Adicada a Antonio Landeira e a Pilar Rodríguez Blanco). Escoita aquí

A empresa pasou a chamarse Carbónicas Landeira e forneceu toda a comarca do Xallas coa marca «La Pitusa». A primeira gran modernización da empresa chegou cos envases retornables e a botella familiar dun litro que lle permitiu introducirse no mercado provincial ná década dos 60, nos 90 deu o salto nacional, chegando a Madrid, Cáceres ou Bilbao e ábrese paso no mercado luso onde causou furor, chegando mesmo ás colonias portuguesas en África.

Antonio Landeira Landeira estivo traballando día a día na súa fábrica ata o seu falecemento el 24 de xullo de 2.004 cando contaba con 87 anos, meses antes foi galardoado coa insignia de ouro da Asociación de empresarios locais e o Concello de Santa Comba concedeulle a primeira medalla de ouro ao Xalleiro do Ano que otorga a un veciño.

Antonio-Landeira

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
461SuscriptoresSuscribirte

Últimos artigos