Informa- Axega 112
Un camión que transportaba setecentas trinta e cinco bombonas de butano perdeu parte da súa carga mentres circulaba pola AC-550, ao seu paso por Muros. En concreto, foron dezaoito bombonas industriais as que quedaron espalladas pola estrada, sen que o seu contido resultase afectado.O 112 Galicia recibiu a alerta do ocorrido a través do condutor do camión ás 13:45 horas.
Acto seguido, dende o CIAE 112 Galicia pasábase o aviso á Garda Civil de Tráfico, ao Grupo de Emerxencias Supramunicipal (GES) de Muros e á Policía Local.Unha vez no lugar dos feitos, os efectivos do GES regularon o tráfico e colaboraron co camioneiro para recuperar e cargar as bombonas no camión.Segundo se lle indicou ao 112 Galicia, o vehículo puido retomar a marcha con total normalidade.
