Haberá dúas xornadas de actividades o sábado 25 e o domingo 26 de febreiro.O concello de Santa Comba presentou o programa de actividades para este Entroido 2017, que teñen como principal novidade a celebración dun baile de Entroido para adultos.
Esta será a primeira actividade. O sábado 25 de febreiro, na Vivenda Comunitaria, a partir das 19.00h, haberá un baile de disfraces, con concurso e premios económicos para os mellores disfraces, contando ademáis con animación musical. A xente interesada en participar no concurso pode anotarse con anterioridade á data na OMIX de Santa Comba e senón o mesmo día durante o baile(ata as 21:30h). Media hora despois comezará o concurso. Nesta actividade colabora a asociación inteercultural Arte-Sáns da Cultura, formada por mozos da localidade.
O domingo 26, as actividades terán como principais receptores ao público infantil, xuvenil e familiar. Desenvolveranse no recinto feiral a partir das 16:00h, coa celebración dunha Festa do Entroido con inchables, obradoiros, xogos tradicionais, animación musical e un concurso de Disfraces con premios para os mellores con diferentes aparatos electrónicos e vales de compra.
Nesta mesma xornada, terá lugar o 1º Concurso de Postres do Entroido «aberto á participación de tódolos veciños e veciñas de Santa Comba».Nos vindeiros días ofrecerán máis información sobre este concurso e sobre o resto das actividades.Desde o concello salientan a colaboración da asociación Arte-Sáns da Cultura e o Grupo de Pais e Nais dos Alumnos de 6º do Colexio Barrié de la Maza.
