Ana Miranda volve a ocupar unha cadeira no Parlamento Europeo. Sen dúbida unha boa noticia para Galicia. Recolle o testemuño do político vasco Josu Juaristi(EH Bildu). Pero Miranda Paz xa destacou nestes últimos anos por traballar a prol de distintas cuestións en materia de pesca, dereitos dos emigrantes retornados ou na causa do accidente do Alvia en Compostela.Non é unha descoñecida no seo da euro cámara, aínda que no que resta de mandato poderá seguir desempeñando un papel positivo en Bruxelas. E con máis forza.
Moitas mensaxes de recoñecemento a Ana Miranda se escoitan nos últimos días. Eliximos unha, a do sindicalista xalleiro afincado en Suíza e colaborador deste medio, Xosé Abelenda:»Moita sorte Ana Miranda, eurodeputada, traballadora, loitadora e sempre ao servizo das persoas que máis o precisan, unha galega universalista 100%»
