Un percebeiro faleceu esta mañá tras caer caer ao mar nunha zona rochosa mentres afanaba.
Ás 10:20 horas de hoxe, a propia dona do falecido alertaba aos servizos de emerxencia. Indicaba que o seu home caera ao mar nunha zona de rochas, na zona de Castromiñán, no Castelo, en Fisterra. Tamén, persoal sanitario comunicaba ao 112 Galicia que recibirán o aviso doutros alertantes que informaban dun home que perderan de vista tras caer á auga.
Así, de inmediato, dende o Centro Integrado ás Emerxencias do 112 se alertou a Salvamento Marítimo, Servizo de Gardacostas e á Garda Civil. Así mesmo, tamén foi requirida a colaboración dos efectivos de Protección Civil de Fisterra.
Finalmente, unha lancha de Salvamento recuperou o cadáver da persoa que trasladaron ata o Porto de Fisterra.
