A vítima guiaba un turismo que se lle foi nunha curva, xusto na saída desta localidade da Costa da Morte. Foi bater cunha vivenda e despois de envorcar, quedou atravesado no medio da estrada. O condutor e único ocupante do coche, tivo que ser excarcerado por bombeiros de Cee e do Grupo de Emerxecias Supramunicipal de Muros. Foi trasladado en estado grave ao hospital Virxe da Xunqueira de Cee.
Unha persoa resultou ferida esta noite ao envorcar o vehículo no que viaxaba en Carnota. A vítima tivo que ser liberada tras quedar atrapada no interior do coche. Foi trasladada por Urxencias Médicas ao centro hospitalario de referencia. O accidente tivo lugar na AC-550, ao seu paso polo lugar do Pindo. O 112 Galicia recibía a alerta do sinistro por parte dun particular ás 01:00 horas.
Decontado, o CAE 112 Galicia pasaba o aviso a Urxencias Médicas, á Garda Civil de Tráfico e ao servizo de mantemento da estrada. O Centro de Atención ás Emerxencias 112 Galicia informou, tamén, aos efectivos do GES de Muros e aos Bombeiros de Cee, que se achegaban con equipos de excarceración. Tras liberar á vítima, retiraron o vehículo, que invadía os dous carrís da calzada. Despois, levaron a cabo unha limpeza na vía.
Nota-Axega112
FOTO-CRTVG