Independentes por Cee celebrará o vindeiro sábado 21 de maio o seu XXI aniversario coa tradicional cea anual no restaurante Casa Valentín de Pereiriña.
Nunha carta de invitación ó evento, o secretario xeral de IxCee e alcalde do municipio, Ramón Vigo aproveitou para agradecer o apoio dos seus colaboradores na pasada campaña, onde froito dunha enfermidade tivo que pasar unha parte da campaña ingresado nun hospital:»Non sabedes o reconfortante que foi vervos a todos alí arroupándome e apoiándome nun intre amargo da miña vida» escribe Vigo Sambade.
Como sinalou recentemente nunha entrevista en Adiante Galicia, Ramón Vigo lembra que ten a «man tendida» ás distintas forzas políticas polo ben do concello, e asegura que a nova vitoria electoral de 2015 foi unha mostra «do bo traballo e da honrada xestión» de Independentes por Cee.
