A conselleira de Infraestruturas e Vivenda, Ethel Vázquez realizou unha visita ó concello de Noia onde anunciou a execución dunha senda peonil na travesía de Orro, e que contará cun investimento de 60.000 euros.
Nunha xuntanza que mantivo co alcalde de Noia, Santiago Freire Abeijón, e con varios membros do goberno local, a conselleira tamén se comprometeu a habilitar un carril central no cruce da Barquiña no acceso ó centro comercial. Ethel Vázquez asinou no libro de honra do concello.
O alcalde, Santiago Freire calificou as dúas actuacións confirmadas de «moi importantes» para a seguridade viaria da localidade. No caso do carril central, preténdese «diminuir a sinistralidade que se ven producindo de maneira reiterada» segundo palabras do propio rexedor.
