Os pupilos de Iván Cancela golearon á Esteirana de Javier Lodeiro nun encontro que os xalleiros encarrilaron moi pronto para ter case certificado o pase aos oitavos de final da Copa da Costa.
Redacción (@AdianteGalicia)
Xallas FC 6 – 0 SD Esteirana
Xallas FC: Fabio (Julián m.46), Christian, Oscarín (Santi Díaz m.64), Pablo Novo, Víctor Vecino (Fuentes m.46), Canedo, Marcos (Rachón m.46), Jesús, Kevin (Sergio Barbeira m.56), Coria e Camilo.
SD Esteirana: Róber (Ponte m.74), Codesido, Tobío, Dani, Rafa, Martín (Brais m.70), Marcos (Campos m.46), Adrián (David m.70), Róber Pladur, Pablo e Jaime.
Goles: 1-0 m.3: Pablo Novo; 2-0 m.5: Pablo Novo; 3-0 m.13 Víctor Vecino, 4-0 m.62: Rachón; 5-0 m.64: Pablo Novo; 6-0 m.76: Santi Díaz (p).
Árbitro: Edgar Soto Eiroa (Colexio coruñés).
Campo: Fontenla (Santa Comba).
Partía o Xallas como favorito neste partido de dezaseisavos de final da Copa da Costa e no minuto tres de partido Pablo Novo poñía o primeiro para os locais tras unha xogada de estratexia e era o propio Pablo Novo, quen dous minutos despois facía o 2-0 nunha nova xogada a balón parado.
Pouco despois, Victor Vecino facía o terceiro para os locais e practicamente sentenzaba o encontro e cáseque a eliminatoria.
O partido proseguiu sen moito ritmo pero cunha Esteirana que defendía cunha gran intensidade e chegaríase ao descanso con 3-0.
No instantes iniciais do segundo acto chegaría a nota negativa cando no minuto 56 Kevin se lesionaba ao caer sobre un ombreiro tras unha dura entrada.
O Xallas seguiu ao seu e no minuto 62, Rachón apreveitaría un rexeite para facer o cuarto e dous minutos despois Pablo Novo culminaba o seu particular hattrick tras un remate de cabeza a saída dun córner
No treito final do encontro, Santi Díaz transformaba unha pena máxima cometida sobre Christian para poñer no marcador o 6-0 definitivo.
