O máis salientable desta xornada do fútbol da Costa é a primeira victoria no que vai da tempada do Dumbría na Preferente Norte, ademáis de que Paiosaco, Soneira e Ponteceso seguen invictos nas súas respectivas ligas.
David Castro (@DavidCastro27)
Na Terceira División, o Bergantiños colliu aire logo de vencer este domingo ao Rápido de Bouzas, que era o líder da categoría ata que chegou a Carballo, nun partido no que os homes de Javier Oreiro dominaron de principio a fin.
Na Preferente Norte, o Paiosaco xa é o único equipo invicto da categoría. Os homes de Juan Riveiro superaron na Porta Santa ao Viveiro por 2-1, con dous goles de Josiño Vázquez desde o punto de penalti. Esta victoria coloca aos verdibrancos na cuarta plaza da clasificación a só un punto do líder.
Pola súa banda, o Laracha acadou a súa segunda victoria consecutiva logo de remontar o tanto inicial do Estudiantil con dous goles dun Taibo en plan estelar.
Mentres tanto, o Dumbría colleitou unha ansiada e necesaria victoria ante O Val. O primeiro triunfo da tempada para os dumbrieses, chegou grazas a un solitario gol de Adrián Nieto.
No que respecta ao Xallas, o equipo de Iván Cancela caía pola mínima en Riveira nun encontro de moitos goles.
O Soneira é máis líder da Primeira Rexional logo de vencer no Cairo ao Corme. Vía e Basti, ambos con dous goles, e Cristian Figueroa, cunha gran actuación, foron os protagonistas dunha victoria que se viu embazada pola lesión de xeonllo que sufriu o cormelán Alejo.
Mentres tanto, o Sofán viuse sorprendido no Carral por un intenso Agolada que tivo en Aitor Hurtado a súa estrela, quen fixo os tres goles do seu equipo.
Pola súa banda, o Outes viuse sorprendido por un necesitado Tordoia no Conchido e suma catro derrotas consecutivas ao igual que un Malpica que caíu pola mínima co Sigüeiro na Pedra Queimada.
Polo que respecta ao Baio, o conxunto que dirixe Óscar Suárez caíu derrotado ante o Val do Ulla que venciu no Platas Reinoso cun tempraneiro e solitario gol de Cristian.
A emoción está servida na Liga da Costa logo dos resultados desta xornada que deixa aos cinco primeiros clasificados en tan só catro puntos.
O líder sigue sendo o Ponteceso a pesares de perder os seus primeiros dous puntos da tempada ante un recén ascendido Cerqueda que está a realizar un gran comezo de liga.
Por detrás dos pontecesáns chega un Sporting Zas que se está mostrando moi sólido en defensa e que demostra xornada tras xornada a súa gran capacidade goleadora. A pasada fin de semana, os homes de Víctor Pazos superaron no Hermanas Patiño a un mermado Camariñas.
No partido da xornada, o San Lorenzo tivo a victoria na man cun 0-2 favorable pero tras eso aparecería Javi Suárez, un dos mellores xogadores da categoría para igualar o encontro.
Pola súa banda, o Castriz remontaría o tanto inicial do Ameixenda para poñerse cun 3-1 a favor pero os da parroquia ceense recurtarían distancias no marcador e os xalleiros acabarían pedindo a hora para acadar unha importante victoria.
Mazaricos e Fisterra non queren perder o fío do tren de cabeza e colócanse a tres e a catro puntos, respectivamente, do quinto clasificado tras gañarlle ao Cee e ao Porteño.
Mentres tanto, a Esteirana acadou a súa segunda victoria consecutiva logo de remontar un 3-0 a un Cabana que xa é colista da categoría.
Por fin chegou a primeira victoria do Volantes de Baño. Os muradáns, cun Yanky en plan estelar, superaron ao Coristanco pola mínima.
Por último, o Carnota colle aire a costa de un Buño que xa é penúltimo clasificado tras sumar a súa quinta derrota consecutiva.
O Corcubión perdiu a súa condición de invicto na Terceira Rexional ante un Laxe que está a sorprender polo gran inicio de tempada que está realizando.
Mentres tanto, o Montelouro reencontrouse coa victoria no Agra de Filgueira e conseguiríao goleando ao Muxía.
Pola súa banda, o Camelle tamén colleitaría un importante triunfo ao golear ao Lira en Lombáns.
No que respecta ao Castrelo, os vimianceses voltarían á senda da victoria a costa dun Sporting Seaia que está mellorando co paso das xornadas.
Esta xornada, o Nantón foi o que disfrutou da xornada de descanso.
TERCEIRA DIVISIÓN
Bergantiños CF 2 – 1 Rápido de Bouzas CF
PREFERENTE NORTE
Agrupación Estudiantil 1 – 2 Laracha CF
UD Paiosaco 2 – 1 Viveiro CF
CF Dumbría 1 – 0 SD O Val
Atlético Riveira 4 – 3 Xallas FC
PRIMEIRA REXIONAL
.JPG)
SD Sofán 1 – 3 SD Agolada
Corme CF 1 – 4 Soneira SD
CD Baio 0 – 1 Val do Ulla UD
Outes CF 1 – 3 Tordoia CF
SCD Malpica 0 – 1 Sigüeiro CF
LIGA DA COSTA
CD Baíñas 2 – 2 SD San Lorenzo
UD Carnota 2 – 0 Buño SCD
SD Fisterra 4 – 2 CF Porteño
UC Cee 1 – 2 Mazaricos CF
Camariñas FC 0 – 3 Sporting Zas
UD Cerqueda 2 – 2 Ponteceso SD
Cabana SD 3 – 4 SD Esteirana
Volantes de Baño FC 2 – 1 SD Coristanco
SD Castriz 3 – 2 SD Ameixenda
TERCEIRA REXIONAL
UD Montelouro 5 – 1 Muxía CF
SD Laxe 1 – 0 UD Corcubión
Lira CF 0 – 4 Camelle SD
CF Castrelo 2 – 1 Sporting Seaia CF
Descansou CD Nantón
