7.3 C
Santa Comba
sábado, febrero 17, 2024

O Entruido do burro: recuperando tradicións

Un burro que morre diante da súa dona e resucita despois dunhas palabras nun latín enxebre, pronunciado por un cura.


Ármase a festa. Bailan as mulleres disfrazadas de homes e os homes caracterizados de mulleres. Gaiteiros e pandereteiras amenizan a festa rachada. É o tradicional “Entruido do burro” que se vivía en varias parroquias de Santa Comba que pretende recuperar a asociación Axio Mouro coa colaboración de voluntarios.

“A idea é que a xente o vexa e recorde e que os novos entendan como se corría un entroido” contaba Jorge Castelo en Radio Xallas.

Castelo Mourelle explicaba que este “Entruido do Burro” é “peculiar” precisamente porque “o burro morre e resucita”.

Entrevista a Jorge Castelo. A partir do minuto 60

Unha tradición estendida fai décadas polas parroquias de Grixoa de Esternande, Castriz, San Salvador, Bazar, posiblemente Santa Sabiña e no sur do concello de Coristanco.

“Queremos que sexa o máis fiel posible” sinala. Serán dous días de Entroido por distintos lugares da xeografía xalleira, e coa intención de seguir investigando e recuperando tradicións doutras celebracións que se desenvolvían por outras parroquias do concello.

Percorrido do Entruido do Burro

O sábado o “Entruido do Burro” percorrerá San Salvador(10,00), Grixoa de Esternande(12,00), Outeiro de Castriz(15,30), Boaña de Abaixo(18,00) e Boaña de Arriba(18,30).

E o domingo 11 de febreiro a comitiva arrancará a súa ruta en Padreiro(10,00) para seguir por Castriz( 12,00 ) Xallas (16,00), Estévez(17,00), Frieiro (18,00), Boimente(19,00) e Bar Cruce de Traba(19:45).

Antes o venres, desde as 18,00 percorrerán as rúas de Santa Comba “ cos máis pequenos da Asociación” como se fixo noutros anos.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,210SuscriptoresSuscribirte

Últimos artigos